Tu navegador no está actualizado.
Para tener una mejor experiencia con nuestro sitio, te recomendamos descargar otros navegadores gratuitos ¡Para eso, solo tienes que hacer click en el ícono!
ہم میری کونڈو سے آگے کے زمانے میں رہتے ہیں۔ آپ میں سے جومیری کونڈو کو نہیں جانتے انکی معلومات کے لئے میری جاپان سے تعلق رکھتی ہیں اور چیزوں کو ترتیب سے رکھنے پر مشاورت فراہم کرتی ہیں اور اس موضوع پر چار کتابیں بھی لکھ چکی ہیں۔ اب ہم میں سے اکثریت کم چیزوں پر مبنی طرزِ زندگی اپنا چکی ہے اور اپنے گھروں کو اسکے مطابق ڈھال چکی ہے۔ تاہم میری کونڈو کے مداحین کو بھی سٹوریج کے نت نئے طریقوں کی ضرورت ہروقت رہتی ہے.
آج ہم آپ کے سٹوریج کے بدترین مسئلوں کے 12 حل پیش کر رہے ہیں۔ جب آپ کو ہروقت تنگ کرنے والے کاٹھ کباڑاوربے ترتیبی والے سٹوریج جیسے سردرد سے نجات مل جائے گی تو آپ کو اپنا گھر دوبارہ سے اچھا لگنے لگے گا۔ ہومی فائی(Homify) پرماہرین موجود ہیں جن سے آپ پیشہ ورانہ مدد کے لئےبلاجھجک رابطہ کر سکتے ہیں۔ آئیے ہم اپنی فہرست کا جائزہ لیں۔
اگر آپ کے گھر میں شیلف ہیں تو اسکا یہ مطلب نہیں کہ آپ نے انکو سامان سےبھرنا ہے۔ شیلفوں پرکچھ جگہ خالی چھوڑنا وضع داراورمنظم لگتا ہے۔ اپنے شیلفوں کو ترتیب میں لانے کی کوشش کریں اورغیر ضروری اشیاء سے چھٹکارا پائیں۔
اپنی سٹوریج کی ضروریات کےمطابق درست ڈبوں کا انتخاب شائد مشکل کام لگے۔ مگرذرا اسکے بارے میں سوچئے۔ آپ اپنے گھریلو استعمال کے برتن ڈبوں میں نہیں رکھیں گے اور اسی طرح موسمِ سرما میں استعمال ہونے والے کوٹ درازوں میں نہیں محفوظ کریں گے۔ اس بارے میں دھیان سے سوچئے کہ آپ کو کیا سٹور کرنا ہے اور پھر اسکے مطابق درست ڈبوں/بکسوں کا انتخاب کیجئے۔
سٹوریج اسوقت صحیح کام کرتا ہے جب آپ کو وہ نظر نہ آئے۔ اپنے گھر کے اندرسٹوریج کے خفیہ طریقوں کو شامل کرنے کی کوشش کریں۔ جیسا کہ یہ پلنگ جو کہ اپنی چادروں وغیرہ کوچھپائے ہوئے ہے۔
آپ کے گھر کے اندر تنگ اور چھوٹی جگہوں کو اکثر نظر انداز کر دیا جاتا ہے۔ اِن میں سٹوریج کی گنجائش ہوتی ہے۔ کوشش کریں کہ ان تنگ جگہوں اور کونوں میں الماریاں،شیلف لگا کر یا ڈبوں میں بھر کر فالتو سامان سٹورکردیں۔
سامان کو اپنی روزمرہ زندگی سے بہت دور تک مت سٹور کریں۔ آپ ایک خالی جگہ کوبھر دینگے اور پھراسکے بارے میں بھول جائیں گے۔ اس سے آپ کا بے ہنگم سٹوریج آپ کے لئے دردِ سر بن جائے گا اور اسکا آپ کو کوئی فائدہ بھی نہیں ہوگا۔ سٹوریج کرتے وقت بہت زیادہ دور یا گہرائی تک جانے سے گریز کریں۔
اگر آپ کے گھر کی چھتیں اونچی ہیں تو انکو اپنے فائدے کے لئے استعمال کرنے سے مت ڈریں اور اُوپر تک خانے بنوالیں۔ جس بھی کمرے میں ممکن ہو سٹوریج کا ایسا بندوبست کر لیں تاکہ آپکی اشیاء محفوظ بھی ہوسکیں اور آپ کی نظروں کے سامنے بھی رہیں۔
ایک اورغلطی آپ اس وقت کرتے ہیں جب آپ سٹوریج کا ایسا بندوبست کرلیتےہیں جو عملی تو ہوتا ہے مگر نظروں کو بھلا نہیں لگتا۔ کچھ درمیانی راستہ ڈھونڈنے کی کوشش کریں کہ آپ کے سٹوریج میں فعالیت تو ہو مگر اسکے ساتھ ساتھ نظروں کو بھی بھلا محسوس ہو۔
آپکا گھرآپکی ہر لمحہ متحرک زندگی کا عکس ہے۔ کیا آپ سالہا سال سےاُنہی چیزوں سے گرد صاف کر رہے ہیں؟ اپنے گھر کو ایک تازگی کا احساس دیں اور اِن اشیاء کو ملا جُلاکر رکھیں۔کچھ چیزوں کو پیک کر کے رکھ دیں اور کچھ عرصے کے بعد انکو پھر نکال لیں۔ اپنے گھر کو عجائب خانہ مت بننے دیں۔
زیادہ ترلوگوں کے گھر میں کوئی نہ کوئی درازایسا ہوتا ہے جسمیں کاٹھ کباڑجمع ہوتا ہے۔ اسمیں ایسی تمام چیزیں ہوتی ہیں جنکی فوری ضرورت نہیں ہوتی مگرشاید مستقبل میں کام آجائیں کے نظریے کے تحت جمع کرلی جاتی ہیں۔ اس کاٹھ کباڑ دراز سے بچئیے اور ہرچیز کے لئے جگہ بنائیں۔ زندگی بہت قیمتی ہےاسکو کاٹھ کباڑ کے درازوں پر ضائع مت کریں۔
جب آپ اپنے گھر کے لئے فرنیچر کا انتخاب کریں تو ایسا فرنیچر لیں جو ایک سے زیادہ مقصد کے لئے استعمال ہو سکتا ہو۔ جیسے بیٹھنے کے لئے استعمال ہونے والے بینچوں میں سٹوریج کی جگہ،پلنگ کے نیچے درازیں اور شیلفوں کے ساتھ کافی میز،ان سب چیزوں کو کئی کاموں کے لئے استعمال کیا جا سکتا ہے اوریہ آپ کے سٹوریج کے کئی مسائل حل کر سکتی ہیں۔
اگر آپ کو اپنے گھر کی مختلف چیزوں کو علیحدہ علیحدہ شناخت کرنے کے لئے ان پر پرچیاں چسپاں کرنی ہیں تو کیوں نہ کوئی تخلیقی طریقہ اختیار کیا جائے۔ اپنے باورچی خانے، بچوں کے کمرے یا کوئی بھی جگہ جہاں آپ کچھ نیا کرنا چاہیں وہاں خوبصورت اور رنگین پرچیاں استعمال کریں۔
جب سٹوریج کی بات آئے تو روائتی طریقوں سے ذرا ہٹ کر سوچئے۔ اپنے اردگرد نظر دوڑائیں ۔ آپ اپنی چیزوں کو کئی مزیدار اور انوکھے طریقوں سے سٹور کر سکتے ہیں۔
