اگر آپ کو بھی گھر کے اندرونی حصے رنگدار ہی اچھے لگتے ہیں تو آپ کو یہ گھر بہت ہی زیادہ پسند آئیں گے۔ ہم آپ کے لیے دو ایسے گھر لے کر آۓ ہیں جہاں اندرونی آرائش کے ماہرین نے نہایت خوبصورتی اور متاوازن انداز کے ساتھ رنگوں کا استعمال کیا ہے۔
یہ گھر ویسے ہی بہت خوبصورت تھے مگر تھوڑے سے رنگوں کے اضافے سے ان کی دلکشی محسور کن ہو گئی ہے۔ ہم دونوں گھروں کا تھوڑا سا تعارف پیش کریں گے اس کے بعد بس آپ ہوں گے اور یہ حسین گھر۔
یہ پہلا گھر جدید اور قدیم دونوں انداز کا حسین امتزاج ہے۔ سفید دیواروں اور تھوڑے بہت فرنیچر کے علاوہ کوئی جگہ ایسی نہیں ہے جدھر خوبصورت رنگوں کی نمائش نا ہو۔ اب چاہے وہ پھولوں سے ہو، تکیوں سے ہو یا پھر دیوار پر لگی تصاویر سے۔۔۔ آپ کو پسند ہی آۓ گی۔ اس کی چھوٹی چھوٹی باریکیوں پر غور کریں اور دیکھیں کس طرح سے یہ چھوٹی باریکیاں بڑا اثر لاتی ہیں۔
پچھلے گھر کی طرح یہ گھر بھی زیادہ تر سفید رنگ کا حامل ہے مگر اس تسلسل کو جس خوبصورتی کے ساتھ شوخ رنگوں سے توڑا گیا ہے وہ قابل دید ہے۔ ہر کمرے میں تھوڑے سے رنگ سے ہی بہت زیادہ حسین انداز لایا گیا ہے۔ ہماری سب سے پسندیدہ چیز ہے بنفشی رنگ کا قالین جو پورے کمرے کی شان بڑھا رہا ہے۔
یک خوبصورت اور زبردست رہائش گاہ بھی دیکھیں.